Persónsupplýsingar

Persónsupplýsingar verða útvegaðar og viðgjørdar

Tá eitt nýtt kundaviðurskifti verður stovnað, útvegar Suðuroyar Sparikassi ymsar persónsupplýsingar um kunda. Tað veri seg navn, bústað og persónstal at brúka í sambandi við  tilboð um ymsar fíggjarligar veitingar, herímillum kundaráðgeving, kundarøkt, kundafyrisiting, kredittmeting og marknaðarføring.

Tá gjaldsmiðling verður nýtt, herímillum kreditt- og gjaldskort, kekkar, netbanka o.a., verða upplýsingar útvegaðar frá handlum, peningastovnum og øðrum. Hesar upplýsingar verða einans útvegaðar fyri, at Suðuroyar Sparikassi kann fremja gjaldingina rætt og gera kontuavrit, gjaldsyvirlit og líknandi.

Tað er sjálvboðið, um tú ynskir at lata Suðuroyar Sparikassa upplýsingarnar, men upplýsingarnar kunnu verða neyðugar fyri, at Suðuroyar Sparikassi kann geva tær fullgóða ráðgeving, viðgera ein fyrispurning um lán ella aðra avgreiðslu.

Nærri kunning um upplýsingar, ið vit nýta

Upptøkur av telefonsamrøðum
Fyri at veita tær rætta tænastu, kann Suðuroyar Sparikassi taka telefonsamrøður upp. Vanliga verður hetta bert gjørt í sambandi við handil við virðisbrøvum og gjaldoyra.
At geva upplýsingar víðari

Fyri at játta og útinna avtalur við teg, t.d. at flyta upphæddir til onnur, verða upplýsingar, sum eru neyðugar fyri at eyðmerkja teg og fremja avtaluna, givnar víðari.

Upplýsingar verða givnar víðari til almennu myndugleikarnar í tann mun, lóggávan krevur tað, t.d. upplýsingar til skattavaldið.

Heldur tú ikki tínar skyldur mótvegis Suðuroyar Sparikassa, kann Suðuroyar Sparikassi boða kredittupplýsingastovum og/ella ávaringaryvirlitum frá samsvarandi teimum reglum, sum eru galdandi um hetta.
Viðskiftainnlit í nýtslu av persónsupplýsingum

Tú hevur rætt til – í samsvari við reglurnar í persónsdátulógini – at fáa innlit í, hvørjar upplýsingar Suðuroyar Sparikassi nýtir um teg. Suðuroyar Sparikassi kann rokna sær eitt gjald fyri at geva tær svar.

Áheitan um innlit skal latast Suðuroyar Sparikassa, Vágsvegur 60, 900 Vágur.

Skeivar ella villeiðandi upplýsingar
Um Suðuroyar Sparikassi gerst varugur við, at tað eru skeivleikar í upplýsingunum hjá tær – ella at hesir eru villleiðandi, verða upplýsingarnar rættaðar ella strikaðar, soleiðis at avgerðir kunnu takast á røttum grundarlagi. Suðuroyar Sparikassi vil somuleiðis kunna um hetta til teir partar, ið hava fingið skeivu ella villleiðandi upplýsingarnar frá Suðuroyar Sparikassa.
Mótmæli móti nýtslu av upplýsingum
Tú kanst til eina og hvørja tíð gera Suðuroyar Sparikassa varugan við, at tú ikki ynskir at fáa marknaðarføringstilfar frá Suðuroyar Sparikassa ella frá øðrum pørtum bankans.

Klaga um nýtslu av upplýsingum

Um tú ert ónøgd/ur við, hvussu Suðuroyar Sparikassi nýtir persónsupplýsingar v.m. um teg, kanst tú klaga til:

Dátueftirlitið
dat@dat.fo 
Heiðavegur 25
FO-600 Saltangará
Tlf. +298 309 100
https://www.dat.fo/

Seg teg í samband við okkum

Bílegg prát Finn okkum Send teldupost