Gjaldsloysnir

Fyri at lætta um og tryggja, at fastar útreiðslur verða goldnar til tíðina, hevur tú møguleika fyri at melda føstu útreiðslurnar til talgildar rokningar - sum Gjaldsavtalur.

Flest allar fastar útreiðslur kunnu meldast til talgildar rokningar, t.d. SEV, olja, Kringvarpsgjald, telefon og barnaansing.

Fastar útreiðslur sum verða meldaðar til sum Gjaldsavtalur verða goldnar til tíðina - ómakaleyst og ókeypis fyri teg.

Tú kanst melda fastar útreiðslur sum Gjaldsavtalur í Netbankanum ella við at seta teg í samband við tín kundaráðgeva.

Síðst í hvørjum mánaði verður Gjaldsyvirlit, yvir tínar gjaldsavtalur, tøkt.

Tilmeld fasta útreiðslu sum Gjaldsavtalu beinleiðis í Netbankanum

Rita inn í Netbankan

Tilmeld fasta útreiðslu sum Gjaldsavtalu við at senda okkum teldupost 

Send teldupost

Gjaldsyvirlitið

Netbankin

Um tú hevur Netbanka, so sæst hetta Gjaldsyvirlit í  Netbankanum, við at velja Avtalur. Hevur tú ikki Netbanka, so verður Gjaldsyvirlitið sent tær við postinum.

Gjaldsyvirlitið er tín tryggleiki og sigur tær hvørjar fastar útreiðslur verða fluttar komandi mánaðin av kontu hjá tær. Á Gjaldsyvirlitinum síggjast eisini nýggjar  Gjaldsavtalur, bæði tilmeldaðar og frámeldaðar.

Rita inn í Netbankan

Mínrokning

Øll gjøld síggjast ikki longur á Gjaldsyvirlitinum í Netbankanum. Tí mæla vit tær til, ístaðin at brúka funkuna Kontur / komandi gjaldingar í Netbankanum.

Tey gjøld, sum ikki síggjast á Gjaldsyvirlitinum í Netbankanum, síggjast á Mínrokning gjaldsyvirlitinum. Tú kanst rita inn í Mínrokning, annaðhvørt við NemID ella Samleikanum.
Rita inn í Mínrokning

Avvísing og frámelding

Tá tú hevur móttikið gjaldsyvirlitið, kanst tú avvísa ella frámelda eina gjalding, um tú ynskir tað. Brúkar tú Netbanka, kanst tú sjálv/-ur avgreiða hetta í Netbankanum. Tú kanst eisini biðja okkum avgreiða hetta fyri teg.

Ei framdar gjaldingar

Á gjaldsyvirlitinum sæst, um ein gjalding frá mánaðinum frammanundan antin er avvíst av tær, ella um gjaldingin er afturflutt av okkum.



Tilmeldaðar gjaldingar

Tú kanst altíð tilmelda nýggjar gjaldsavtalur til GjaldSkipanina. Tá avtalan er skrásett í GjaldSkipanini, sæst hon á gjaldsyvirlitinum. Tó skalt tú brúka inngjaldskortið at gjalda við sum tú plagar, inntil rokningin sæst gjaldsyvirlitinum við upphædd.

Frámeldaðar gjaldingar

Á gjaldsyvirlitinum síggjast eisini gjaldsavtalur, ið eru frámeldaðar í GjaldSkipanini. Eftir hetta verður rokningin ikki longur goldin sjálvvirkandi gjøgnum GjaldSkipanina.

Seg teg í samband við okkum

Bílegg prát Finn okkum Send teldupost