Tá ein av okkum doyr, hevur hetta stóra ávirkan á tey, ið eftir sita. Familjan hevur mist ein av sínum kæru, og ein heilt nýggjur gerandisdagur skal fáast at virka.

Hjá flestum okkara fyllir gerandisdagurin so nógv, at vit hvørki hava hug ella stundir til at hugsa um avleiðingarnar, skuldi okkara hjúnafelagi ella maki doyð.

Hendir tað óhugsandi, situr ein ikki bert eftir í sorg, men eisini við heilt øðrvísi fíggjarligum fyritreytum.

Hvussu verður fíggjarliga støðan hjá eftirsitandi, um tú doyr áðrenn 67 ára aldur? Henda spurning eiga vit øll at taka upp við jøvnum millumbilum, fyri at tryggja okkum, at eftirsitandi ikki koma í fíggjarligt óføri, um vit skuldu doyð. Somuleiðis eiga vit at spyrja okkum sjálvi “hvønn ynski eg at tryggja og hvussu?”.

Niðanfyri kanst tú lesa meira um bráðsjúkutrygging og lívstryggingarnar, ið vit bjóða í samstarvi við Betri Pensjón.