Íløgur

Bert tey fáu ynskja at vita ov nógv um framtíðina. Men tá tað snýr seg um búskap - sín egna búskap - er støðan øðrvísi. Her spælir trygdin fyri avkasti ein stóran lut. Jú størri trygd fyri at fáa eitt støðugt avkast, jú betri.

Tað er ikki uttan týdning, hvussu íløgurnar verða gjørdar í samansparingartíðini. Ein munur uppá bert 2 prosent um árið í t.d. 10 ár, gevur ein stóran mun, sum ikki er lættur at venda blinda eyga til.

Áðrenn tú gert eina íløgu í virðisbrøv, er tað altavgerandi, at tú gert tær greitt hvat tíðarskeið íløgan skal vera yvir, og hvønn váða tú kanst liva við. Tí, tá íløgur verða gjørdar, er møguleiki fyri vinningi eins væl og tapi.

Íløguupphædd, tín aldur, títt íløgumið, tíni skattaviðurskriftir og tínar framtíðarvónir til henda marknað eru somuleiðis avgerandi fyri hvar tín íløga skal gerast.

Vit fremja ikki ráðgeving innan íløgur í virðisbrøv, men kunnu handla um ordrafremjan (Execution only) kemur frá kunda við einum ítøkiligum boði.


Handla virðisbrøv í Netbankanum

Tú kanst handla virðisbrøv í Netbankanum - bæði á teldu/teldli og á snildfonini, um talan er um ikki-torgreiddar íløgur, t.v.s. íløgur við váðamerking grønt og gult.

Rita inn í Netbankan