Flytivegleiðing

• Søk um bústað
  Aarhus, Aalborg og Odense kommuna bjóða bústaðartrygd, sum merkir, at um tú ikki hevur funnið bústað, áðrenn lesnaðurin byrjar, tryggjar kommunan tær ein fyribils bústað.
  
  
• Fráboða flyting til nýggju kommunua
  Minst til at fráboða flyting innan fimm dagar. Hav samleikaprógv, skjalprógv við p-talinum og prógv fyri bústað við. Tá ið tú hevur fráboðað flyting til nýggju kommununa, fært tú eitt CPR-nummar.
  
  
• Fá tær NemKontu
  Um tú skalt fáa veiting gjøgnum almennar danskar stovnar - SU, pensjón, avlopsskatt ella aðra veiting - er neyðugt, at tú skrásetur eina av tínum kontum sum NemKontu. Fyri at fáa NemKontu skalt tú hava danskt CPR-nummar.
  
  
• Søk SU-lestrarstuðul
  Søk lestrarstuðul, so skjótt tú hevur fingið danskan bústað. Fyri at fáa SU mást tú hava eina NemKontu. 
  
  
• Søk íbúðarísoyti
  Um tú leigar íbúð ella kamar við køki og bað, kanst tú søkja um íbúðarískoyti. Les meira um hetta hjá bústaðarfelag tínum
  
  
• Fá tær talgilda postkassan eBoks
  Øll brøv frá almennum stovnum í Danmark verða send til eBoks. Postkassin kann stovnast á borger.dk ella e-boks.dk við NemID.
  
  
• Søk um ferðastundning frá Studna
  Tú hevur rætt til at søkja um ferðastudning frá Studna eina ferð árliga. Studningurin kann søkjast, tá hálvt lestrarár er farið og skal søkjast innan lestrarárið er liðugt. Tey, ið byrja um heystið, kunnu søkja millum januar og juni árið eftir, tvs. freistin er 30. juni. Tey, ið byrja um várið, kunnu søkja millum august og desember, tvs. freistin er 31. desember.