At fáa sær eitt heim er ein av teimum størstu avgerðum í lívinum fyri nógv - og serliga fyri ein, sum skal keypa fyri fyrstu ferð kann tað verða rættiliga krevjandi. 

Hvat, hvar og nær eru týdningarmikið at fáa práta um, tá avgerð skal takast um eitt heim - skal tað verða eini sethús, raðhús ella nøktar ein íbúð tørvin. 

T.d. vil ein sjálvur taka avgerðir um  ta ein keypir? So er ein eigaraíbúð nokk ikki tað sum skal keypast, tí oftast er reglur fyri hvat ein má gera í eigaraíbúðini.

Tað er eisini týdningarmikið at hugsað um hvussu fíggjarliga rásarúmið skal verða. Skal tað verða pláss fyri  stórum fíggjarligum aktivitetum ella kann fíggjarliga rásarúmi vera minni í nøkur ár.

Tá vit viðgera ein fyrispurning um fígging, so hyggja vit serliga eftir gjaldsvilja og gjaldsevni - herundir tiltøkupeningi. Somuleiðis er tað týdningarmikið at hyggja eftir hvørji krøv tú hevur - nøkur vilja hava tryggleika, onnur vilja hava ta bíligastu fíggingina, og aftur onnur vilja hava fígging eftir hvat kann vænta fer at henda tey komandi árini á rentumarknaðinum.
Saman við tínum tørvi og krøvum verður fyrispurningurin viðgjørdur út frá eginleikum, fyrimunum og vansum fyri einstøku fíggjarmøguleikarnar.