Gjaldskort á ferðini
Tey allarflestu hava gjaldskort við, tá ið tey fara at ferðast.
Niðanfyri varpa vit ljós á, hvat er vert at leggja sær í geyma, tá ið tú skalt ferðast.
Hav tvey kort við tær
Tað er skilagott at hava tvey ymisk kort hjá sær - og serliga tá tú skalt ferðast. Eitt kort kann brotna, verða stolið, gerast óvirkið ella nýtslumarkið ov lágt til tín tørv.
Goym kortini hvør sær
Minst til ikki at goyma kortini saman, soleiðis, at tú altíð hevur eitt kort eftir, um annað verður stolið. Goym heldur ongantíð loynitalið saman við kortinum.
Nýtsluhámørkini
Legg til merkis, at hámørk eru fyri, hvussu stórar upphæddir, tú kanst nýta um samdøgið. Ymisku kortsløgini hava ymisk hámørk. Her sært tú nýtsluhámørkini, ið eru galdandi.
Kredittkort til bilaleigu
Bilaútleigarar krevja ofta, at tú rindar við einum kredittkorti, tá ið leigar bil. Her kanst tú lesa um kredittkort.
Mastercard við ferðatrygging
Fleiri av Mastercard kortsløgunum hava ferðatrygging íroknaða. Les meira um hetta undir Mastercard og undir trygging.
Set teg í samband við okkum ella Nets, um tú heldur, at kortið verður missnýtt
Set teg í samband við okkum, um tú hevur spurningar um gjaldskort
359870
Á breddanum
Suðuroyar Sparikassi hevur havt vitjan av Fíggjareftirlitinum í sambandi við hvítvaskeftirlit
Á eftirlitsvitjan í mai 2024 kannaði Fíggjareftirlitið arbeiðið hjá Suðuroyar Sparikassa at fyribyrgja hvítvaski og fígging av yvirgangi.
Lat teg ikki lumpa – føroyskir stovnar og bankar í felags kunningarátaki ímóti snýti á netinum
Snýt á netinum er ein vaksandi trupulleiki. Mátarnir at snýta uppá gerast snildari, upphæddirnar størri og avleiðingarnar alt meira umfatandi, og tær kunnu raka okkum øll
