Fólkapensjónistur
Tá fólkapensjónin nærkast er umráðandi at minnast til, at tú sjálv/ur hevur ábygdina av at søkja um fólkapensjón. Niðanfyri sært tú, hvat er umráðandi at minnast til, tá ið tíðin nærkast
- Tú skalt sjálv/ur søkja um fólkapensjón - tað skulu øll, ið hava rætt til fólkapensjón. 3 mánaðir innan tú fyllir 67 ár, fært tú eitt bræv frá Almannaverkinum um, at tú skalt søkja um fólkapensjón. Les meira á heimasíðuni hjá Almannaverkinum.
- Vanligar treytir fyri at fáa fólkapensjón eru, at viðkomandi, ið søkir:
- er danskur ríkisborgari ella er gift/-ur við ella seinast hevur verið gift/-ur við donskum ríkisborgara
- hevur havt fastan bústað í danska ríkinum í minsta lagi í 3 ár, tá ið viðkomandi var millum 15 og 67 ár
- hevur fastan bústað í Føroyum ella hýru við føroyskum skipi
- Tú kanst velja at útseta fólkapensjónina. Áðrenn tú kanst søkja um hetta mást tú hava søkt um fólkapensjón fyrst. Tað er eisini ein treyt, at tú arbeiðir í minsta lagi 1000 tímar um árið. Hetta svarar til uml. hálva arbeiðstíð. Viðbótin í fólkapensjónini er skattskyldug og inntøkan, ið tú hevur, verður javnað í viðbótini.
Seg teg í samband við okkum
Á breddanum
Kunning
Deildirnar stongdar flaggdagin 25. apríl
Flaggdagin 25. apríl eru deildir okkara stongdar. Opið er aftur týsdagin 26. apríl kl. 9.30.
Kunning
Øktur grundrakstur og stór framgongd innan realkredittfígging
Ársúrslitið í 2021 gjørdist munandi betri enn undanfarna ár, tí fyri skatt var tað 2,6 mió. kr samanborið við 0,6 mió. í 2020.
Talgildi Samleikin
Fá tær Samleikan, tí NemID verður avtikið
Skjótt verður NemID avtikið sum innritanarloysn til føroysku Netbankarnar, og í staðin skal Samleikin brúkast bæði hjá privat- og vinnukundum. Tí heita peningastovnarnir á allar sínar kundar um at útvega sær Samleikan skjótast gjørligt.