Tá tú fer undir útbúgving
Góð ráð at leggja tær í geyma, tá ið tú skalt undir útbúgving
- Ger eina fíggjarætlan
Nú tú skalt standa á egnum beinum, kann verða trupult at halda stýr á fíggjarviðurskiftunum. Netbankin er eitt hent amboð til bæði at gera fíggjarætlan og fáa eitt nýtsluyvirlit. Onnur hent amboð eru at fáa eina FíggjarKonto og at nýta Gjaldsskipanina at stovna sjálvvirkandi gjaldsavtalur..
- Spar saman
Um tú leggur eitt sindur av peningi til síðis hvønn mánað, kanst tú spara saman til eitthvørt, ið tú hevur hug til
- Fá tær eitt lestrarstarv
Hóast tú fært studning, tá ið tú ert lesandi, er eitt lestrarstarv ein møguleiki at tjena nøkur eyka oyru afturat. Legg tó til merkis, at eitt loft er á, hvussu høg inntøkan kann vera afturat studninginum uttan at ávirka hann
- Set teg í samband við Altjóða skrivstovuna (ASK)
Altjóða skrivstovan vegleiðir og svarar spurningum viðvíkjandi lesnaði í Føroyum og uttanlands
- Njót lestrartíðina!
Hóast tað til tíðir er strævið at vera lesandi, so er eisini umráðandi at njóta tíðina og stuttleika sær.
Hevur tú tørv á vegleiðing?
Vit hjálpa tær fegin við spurningum. Ring ella send okkum ein teldupost.
Ofta settir spurningar/OSS
Eg havi ikki greiðu á mínum fíggjarviðurskiftum, hvat skal eg gera?
Kom og práta við okkum, so vit fáa hjálpt tær. Eisini er snilt at at fáa sær eitt fíggjarark fyri at fáa yvirlit yvir fíggjarstøðuna. Hetta kann gerast í Netbankanum á teldu ella vit hjálpa tær við tí.
Studningurin røkkur ikki, hvørjar møguleikar havi eg?
Tú hevur møguleika at fáa antin eitt LestrarLán ella Fokuslán frá okkum. Eisini veitir Studni lestrarlán. Eitt lestrarstarv kann vera eitt gott íkast afturat studninginum.
Kann eg hava NemKonto í føroyskum peningastovni?
Ja, tað kanst tú gott, men tó er neyðugt at hava danskt CPR-nummar áðrenn. Set teg í samband við okkum, tá ið tú hevur fingið hetta og vit stovna tær eina NemKonto.
Á breddanum
Alment tiltak um framtíðarfulltrú
22. mars kl. 16.00 seta vit fokus á framtíðarfulltrú, tá ið Súsanna Nordendal, virkandi stjóri
Styrktur grundrakstur og stór framgongd innan realkredittfígging
Ársúrslitið í 2022 fyri skatt var 2,5 mió. kr., sum er umleið tað sama sum í 2021, tá ið úrslitið var 2,6 mió. kr.
Ársaðalfundur 29. mars 2023
Fyri at hava rætt til at møta á aðalfundinum skulu partaeigarar, fólk við fulltrú og umboð fyri fjølmiðlar í seinasta lagi fríggjadagin 24. mars 2023 hava boðað felagnum frá luttøku á deildum felagsins í Vági ella í Tórshavn.
ÍtróttaFAGNADUR 2022
Róland Toftum, sum svimur í Suðuroyar Svimjifelagi, er í uppskoti til heiðurin ítróttaFYRIMYNDIN 2022. Hondbóltsfelagið H71 í Hoyvík, er í uppskoti til heiðurin ítróttaFELAGSSKAPURIN 2022. H71 kvinnur, er í uppskoti til heiðurin ítróttaNAVNIÐ 2022. Hondbóltsfelagið í Hoyvík hevur eisini tvey onnur nøvn í uppskoti, sum hava sín upprunað í H71.
Seg teg í samband við okkum